ජනපති මෛත්‍රී ෂීෂෙල්ස් යයි

COLOMBO (News 1st) : රාජ්‍ය සංචාරයක් සඳහා මෙරටින් පිටත්ව ගිය ජනාධිපති මෛත්‍රීපාල සිරිසේන මහතා අද පෙරවරුවේ සීෂෙල්ස් රාජ්‍ය වෙත ළඟා විය. කටුනායක බණ්ඩාරනායක ගුවන්තොටුපළ කාර්යභාර කළමනාකාරවරයා පැවසුවේ අද අලුයම 2.10 ට ශ්‍රීලංකන් ගුවන් සේවයට අයත් යූ.එල් 707 දරණ ගුවන් යානයෙන් ජනාධිපතිවරයා ඇතුළු දූත පිරිස පිටත්ව ගිය බවයි. සීෂෙල්ස් රාජ්‍යයේ ආරාධනයකට අනුව ජනාධිපතිවරයා මෙම සංචාරයේ නිරත වන අතර ජනාධිපතිවරයා සීෂෙල්ස් රාජ්‍යයේ සංචාරයක නිරත වන පළමු අවස්ථාව මෙයයි. මෙහිදී ජනාධිපතිවරයා එරට ජනාධිපතිවරයා සහ උප ජනාධිපතිවරයා සමග ද්විපාර්ශවික සාකච්ඡා පැවැත්විමට නියමිතයි. එමෙන්ම ජනාධිපතිවරයා එරට වෙසෙන ශ්‍රී ලාංකිකන් මුණගැසී සාකච්ඡා කිරීමට ද නියමිතව තිබේ. මේ අතර ජනාධිපති මෛත්‍රීපාල සිරිසේන මහතා පිළිගැනීමේ රාජ්‍ය උත්සවය අද පස්වරුවේ එරට ජනාධිපති මන්දිරයේදී පැවැත්වීමට නියමිතයි.