COLOMBO (News 1st) – බැඳුම්කර ගනුදෙනු විමර්ශනය කළ ජනාධිපති කොමිසමේ නිර්දේශ මත රවී කරුණානායක මහතා දුන් සාක්ෂි සම්බන්ධයෙන් වැඩිදුර විමර්ශනය කිරීමට අපරාධ පරීක්ෂණ දෙපාර්තමේන්තුව කළ ඉල්ලීම පරිදි නිකුත් කළ සියලු නියෝග තාවකාලිකව අත්හිටුවීමට කොළඹ ප්‍රධාන මහේස්ත්‍රාත් රංග දිසානායක මහතා අද නියෝග කර තිබේ.

ප්‍රධාන මහේස්ත්‍රාත්වරයා පෙන්වා දුන්නේ, නියෝග ස්ථිරවම අවලංගු කරන්නේ ද නැති ද යන්න ලබන 28 වන දා ප්‍රකාශයට පත් කරන බවයි.

මේ සම්බන්ධයෙන් ලිඛිත දේශන ලබන 26 වන දා අධිකරණය හමුවේ ගොනු කරන ලෙස නීතිපතිවරයාට සහ වගඋත්තරකාර පාර්ශවයට අධිකරණය අද නියෝග කළේ ය.

ජනාධිපති නීතිඥ ශවේන්ද්‍ර ප්‍රනාන්දු මහතා මෝසමක් මගින් නඩුව කැඳවමින් අද අධිකරණය හමුවේ පෙන්වා දුන්නේ ජනාධිපති කොමිසම හමුවේ අනාවරණ වූ කරුණු සම්බන්ධයෙන් නඩු පැවරීමේ බලය නීතිපතිවරයාට ඇති නමුත් එහිදී අනාවරණය නොවූ කරුණු සම්බන්ධයෙන් විමර්ශන කරන ලෙස උපදෙස්දීමේ බලයක් නීතිපතිවරයාට නොමැති බවයි.

ඒ සම්බන්ධයෙන් තවදුරටත් විමර්ශන කිරීමට අවශ්‍ය නම් ජනාධිපති කොමිසන් සභාව යළි ස්ථාපිත කිරීමෙන් මිස වෙනත් ආකාරයකින් කිරීමේ නෛතික හැකියාවක් නොමැති බව ඔහු පෙන්වා දුන්නේ ය.

එහිදී නීතිපතිවරයා වෙනුවෙන් පෙනී සිටි රජයේ ජ්‍යෙෂ්ඨ අධිනීතිඥ ලක්මිණි ගිරිහාගම මෙනවිය අධිකරණයට පෙන්වා දුන්නේ මෙම පරීක්ෂණ සිදු කරනුයේ ද්වේශ සහගත අරමුණින් නොවන බැවින් රවී කරුණානායක මහතාට ද නිර්දෝෂීභාවය පෙන්වීමට මෙය හොඳම අවස්ථාවක් බව ය.

• කාත්තන්කුඩි OIC හා හිටපු OIC 21 ප්‍රහාරය ගැන සොයන කාරක සභාව හමුවට
• කැබිනට් මණ්ඩලය අද පෙරවරුවේ රැස්වෙයි
• ගෙවුණු දවස උණුසුම් කළ පුවත්…
• වෛද්‍ය හිඟයෙන් ගොඩකවෙල රංවල ප්‍රාදේශීය රෝහල අකර්මන්‍ය වෙයි
• වියලි කාලගුණයෙන් ලක්ෂ 4 කට අධික පිරිසකට පීඩා…
• කොළඹ චීන අවන්හලකදී වීසා නොමැතිව සිටි චීන ජාතිකයින් දෙදෙනෙක් කොටුවෙති
• 21 ප්‍රහාරය නව මුහුණුවරක් ගත් ත්‍රස්ත අවදානමක් පිළිබඳ ඉඟි කරනවා – නේපාලය
• පළාත් සභා ඡන්දය කඩිනම් කරන්නැයි ඉල්ලා ගොනු කළ පෙත්සම් විභාගයට
• බුද්ධි අංශ නිලධාරියෙකු ලෙස පෙනී සිට මුදල් වංචා කළ අයෙක් අත්අඩංගුවට
• ජනපති ට්‍රම්ප්ගේ නමින් ඊශ්‍රායාලයේ ජනාවාසයක්