සේවක වර්ජනයෙන් මහරගම කසළ ගොඩගැසේ

සේවක වර්ජනයෙන් මහරගම කසළ ගොඩගැසේ

සේවක වර්ජනයෙන් මහරගම කසළ ගොඩගැසේ

කර්තෘ Staff writer

09 Sep, 2018 | 7:19 am

COLOMBO (News 1st) – මහරගම නගරයේ කසළ ගොඩගැසීම හේතුවෙන් මහජනතාව දැඩි පීඩාවට පත්ව සිටියි.

මහරගම නගරයේ එලෙස කසළ ගොඩගැසී ඇත්තේ, නගර සභාවේ සේවකයින් සේවයට වාර්තා නොකිරීම හේතුවෙනි.

මහරගම නගර සභාවේ සභාපති ටිරාජ් ලක්රුවන් මහතා විසින් කම්කරුවන් සිව් දෙනෙකුට පහර දීමේ සිද්ධියක් පදනම් කර ගනිමින් නගර සභාවේ සේවකයින් දින කිහිපයක සිට සේවයට වාර්තා කර නොමැත.

මේ හේතුවෙන් නගරයේ බොහෝ ස්ථානවල කැළි කසළ ගොඩගැසී තිබේ.

මහරගම නගර සභාව තුළ හට ගෙන ඇති මෙම ගැටලුකාරී තත්ත්වය සම්බන්ධයෙන් අප අවස්ථා ගණනාවකදී නගරාධිපති ටිරාජ් ලක්රුවන් මහතාගෙන් කරුණු විමසීමට උත්සහ කළ ද ඔහු දුරකතනයට ප්‍රතිචාර නොදැක්වීම හේතුවෙන් එය අසාර්ථක විය.

මහරගම නගර සභාවේ ලේකම් විනීතා ඈපා මහත්මිය පැවසුවේ, අද දිනයේ කසළ ඉවත් කරන බවට සේවකයින් එකඟ වී ඇති බව ය.