ට්‍රම්ප්ගේ හිටපු උපදේශකවරයෙකුට සිර දඬුවමක්

(News 1st) - අමෙරිකානු ජනාධිපති ඩොනල්ඩ් ට්‍රම්ප්ගේ හිටපු උපදේශකවරයෙකු වන ජෝර්ජ් පපඩොපලස්ට දින 14ක සිර දඬුවමක් නියම කර තිබේ. ඒ, අමෙරිකානු ජනාධිපතිවරණයට, රුසියාවේ මැදිහත්වීම සම්බන්ධයෙන් කෙරෙන පරීක්ෂණවලදී අසත්‍ය ප්‍රකාශ ලබා දුන් බව පිළිගැනීමත් සමග ය. ජනාධිපතිවරණය සම්බන්ධයෙන් දෙරටේ නියෝජිතයින් අතර පැවති සාකච්ඡාවල දිනයන් සහ වේලාවන් පිළිබඳව තමුන් එෆ්.බී.අයි. ආයතනයට අසත්‍ය ප්‍රකාශ කළ බව වොෂින්ටන් අධිකරණයක පැවති නඩු විභාගයේදී ඔහු පිළිගෙන තිබිණි. ඩොනල්ඩ් ට්‍රම්ප් ආණ්ඩුවට සම්බන්ධ නිලධාරියෙකුට සිර දඬුවම් නියම වූ පළමු අවස්ථාව මෙයයි.