වසරේ මේ දක්වා කාලය තුළ කොළඹ ගිනි ගැනීමේ සිදුවීම් 234ක්

වසරේ මේ දක්වා කාලය තුළ කොළඹ ගිනි ගැනීමේ සිදුවීම් 234ක්

වසරේ මේ දක්වා කාලය තුළ කොළඹ ගිනි ගැනීමේ සිදුවීම් 234ක්

කර්තෘ Staff writer

08 Sep, 2018 | 11:23 am

COLOMBO (News 1st) – වසරේ මේ දක්වා කාලය තුළ කොළඹ නගරයෙන් ගිනි ගැනීමේ සිදුවීම් 234ක් වාර්තා වන බව ගිනි නිවීම් සේවා දෙපාර්තමේන්තුව පවසයි.

එහි පාලන මැදිරි ප්‍රධානී එච්.එම්.ඒ.කේ. හේරත් මහතා සඳහන් කළේ, ගිනි ගැනීම් හේතුවෙන් පුද්ගලයින් 3 දෙනෙකු මිය ගොස් ඇති බව ය.

ගිනි ගැනීම්වලින් වැඩි ප්‍රමාණයක් විදුලි කාන්දු වීම් නිසා සිදු වී තිබේ.

ගිනි නිවීම් සේවා දෙපාර්තමේන්තුවේ පාලන මැදිරි ප්‍රධානියා සඳහන් කළේ, වාර්තා වන සිද්ධිවලින් වැඩි සංඛ්‍යාවක් නිවාස ආශ්‍රිතව හටගත් ගිනි ගැනීම් වන බව ය.

ඉදිකරමින් ඇති ගොඩනැගිලි සහ ආයතනවලින් ද ගිනි ගැනීම් වාර්තා වීම ඉහළ ගොස් තිබේ.

මෙම වසර තුළ ගිනි ගැනීමේ සිදුවීම්වලින් 41ක ප්‍රමාණයක් ජනවාරි මාසයේ වාර්තා වී ඇති අතර, දෙසැම්බර් මාසයේදී ද ගිනි ගැනීමේ සිදුවීම්වල ඉහළ යාමක් අපේක්ෂා කළ හැකි බව ද ඔහු ප්‍රකාශ කළේ ය.

එච්.එම්.ඒ.කේ. හේරත් මහතා සඳහන් කළේ, මාසිකව ගිනි ගැනීමේ සිදුවීම් 22ක් පමණ වාර්තා වන බව ය.