ජනපති කාර්යාලයේ හිටපු කාර්ය මණ්ඩල ප්‍රධානියා යළි රිමාන්ඩ්

COLOMBO (News 1st) : ජනාධිපති කාර්යාලයේ හිටපු කාර්ය මණ්ඩල ප්‍රධානී ආචාර්ය කුසුම්දාස මහානාම සහ රාජ්‍ය දැව සංස්ථාවේ හිටපු සභාපති පියදාස දිසානායක යන මහත්වරුන් ලබන 4 වන දා දක්වා යළි රක්ෂිත බන්ධනාගාරගත කෙරිණ. ඒ සැකකරුවන් අද කොළඹ ප්‍රධාන මහේස්ත්‍රාත් රංග දිසානායක මහතා හමුවට ඉදිරිපත් කිරීමෙන් අනතුරුවයි. සැකකරුවන් අත්අඩංගුවට ගැනුණේ, ඉන්දීය ජාතික සමාගම්කරුවෙකුගෙන් රුපියල් මිලියන 20 ක අල්ලසක් ලබා ගැනීමේ සිද්ධිය සම්බන්ධයෙනි. සැකකරුවන් වෙනුවෙන් පෙනී සිටි නීතිඥවරුන් තෙවන වරටත් කරන ලද ඇප ඉල්ලීම ප්‍රතික්ෂේප කෙරිණ.