බෙල්ලන්විල ඇසළ පෙරහැර හේතුවෙන් ක්‍රියාත්මක විශේෂ රථ වාහන සැලැස්ම මෙන්න...

COLOMBO (News 1st) - බෙල්ලන්විල ඇසළ පෙරහැර මංගල්‍යයේ අවසන් රන්දෝලි පෙරහැර හේතුවෙන් අද රාත්‍රියේ විශේෂ රථ වාහන සැලැස්මක් ක්‍රියාත්මක කරන බව පොලිස් මූලස්ථානය පවසයි. අද රාත්‍රී 9.00ට ආරම්භ වන පෙරහැර බොරලැස්ගමුව හන්දිය, බෙල්ලන්තර හන්දිය, විහාර මාවත ඔස්සේ නැවත විහාරස්ථානයට පැමිණීමට නියමිත ය. මේ හේතුවෙන් බොරලැස්ගමුව හන්දිය, බෙල්ලන්තර හන්දිය, ඇන්ඩෘසන් පාර අසල සහ පැපිලියාන හන්දිය වසා තැබෙනු ඇති. මහරගම සිට දෙහිවල දෙසට ගමන් ගන්නා වාහන කොහුවල මංසන්දියෙන් වමට හැරී ගාලු පාරට පැමිණ දෙහිවලට ගමන් කළ හැකි වේ. දෙහිවල රත්මලාන සිට මහරගම බොරලැස්ගමුව දෙසට පැමිණෙන වාහන දෙහිවලින් ගාලු පාර ඔස්සේ කොහුවල හන්දියෙන් දකුණට හැරී බොරලැස්ගමුව දෙසට ගමන් කළ හැකි බව පොලිස් මූලස්ථානය සඳහන් කළේ ය.