ට්‍රම්ප් අභ්‍යවකාශ හමුදා බලඇණියක් නිර්මාණය කිරීමට සැරසෙයි

ට්‍රම්ප් අභ්‍යවකාශ හමුදා බලඇණියක් නිර්මාණය කිරීමට සැරසෙයි

ට්‍රම්ප් අභ්‍යවකාශ හමුදා බලඇණියක් නිර්මාණය කිරීමට සැරසෙයි

කර්තෘ Staff writer

10 Aug, 2018 | 9:03 am

(News 1st) – විශේෂ අභ්‍යවකාශ හමුදා බලඇණියක් නිර්මාණය කරන බව අමෙරිකානු ජනාධිපති ඩොනල්ඩ් ට්‍රම්ප් පවසයි.

ඔහු මේ බව ප්‍රකාශ කළේ, එරට ජාතික අභ්‍යවකාශ කවුන්සිලයේ තෙවන සැසිවාරයට එක්වෙමිනි.

එහිදී වැඩිදුරටත් අදහස් දක්වමින් අමෙරිකානු ජනාධිපතිවරයා සඳහන් කළේ, 2020 වසර වන විට අමෙරිකානු හමුදාවේ 6 වන ශාඛාව ලෙස එම බලකාය පිහිටුවීම තම අරමුණ බව ය.

මෙම යොජනාව සඳහා අමෙරිකානු කොංග්‍රස් මණ්ඩලයේ අනුමැතිය ලබා ගැනීම අභියෝගාත්මක වනු ඇතැයි විදෙස් මාධ්‍ය වාර්තා කළේ ය.

මේ පිළිබඳව අදහස් දක්වමින් හිටපු අභ්‍යවකාශ ගවේෂකයෙකු හා විශ්‍රාමික එක්සත් ජනපද නාවික හමුදාවේ කපිතාන් මාර්ක් කෙලී ප්‍රකාශ කළේ, 1947දී අමෙරිකානු ගුවන් හමුදාව ස්ථාපිත කිරීම සමග සංසන්දනය කිරීමේදී අභ්‍යවකාශයටම කැප වූ වෙනම මිලිටරි අංශයක් නිර්මාණය කිරීම අතිරික්ත හා නාස්තිකාර ක්‍රියාවක් බව ය.