ග්‍රීසියේ ඇතෑන්ස් අවට ප්‍රදේශයේ පැතිර යන ලැව් ගින්න පාලනය කිරීම සඳහා ජාත්‍යන්තර සහය පතා තිබේ.

විදෙස් මාධ්‍ය වාර්තා කරන්නේ, ගින්න නිවීම සඳහා හෙළිකොප්ටර් යානා සහ අතිරේක ගිනිනිවීම් භටයින් ලබා දෙන ලෙස ග්‍රීසිය යුරෝපා රටවලින් ඉල්ලීම් කර ඇති බවයි.

ගින්නට හසු වීමේන් මේ වන විට පුද්ගලයින් 20 දෙනෙකු ජීවිතක්ෂයට පත්ව ඇති අතර ළමුන් ද ඇතුළුව පුද්ගලයින් 100 දෙනෙකුට වැඩි පිරිසක් තුවාල ලබා ඇතැයි වාර්තා වේ.

තුවාලකරුවන්ගෙන් 11 දෙනෙකුගේ තත්ත්වය බරපතළ බව ද විදෙස් මාධ්‍ය වාර්තා කර තිබේ.

මේ වනවිට ඇතෑන්ස් අවට ඇටිකා කලාපයේ හදිසි තත්ත්වයක් ද ප්‍රකාශයට පත් කර තිබේ.

සිය ගණනක් වූ ගිනිනිවීම් නිලධාරීන් ගින්න පාලනය කිරීම සඳහා දැඩි උත්සාහයක නිරතව සිටින අතර ඇතෑන්ස් අගනුවර අවට ජනතාව සිය නිවෙස්වලින් ද ඉවත්ව ගොස් තිබේ.

අග්‍රාමාත්‍ය ඇලෙක්සිස් සිප්රස් බොසිනියානු සංචාරය අවලංගු කර ඇති අතර ඔහු පවසා ඇත්තේ, තත්ත්වය පාලනය කිරීම සඳහා සෑම උත්සාහයක් ම ගන්නා බවයි.

මියගිය පිරිසෙන් බහුතරය ඇතෑන්ස්හි ඊසානදිග කොටසේ පිහිටි මුහුදට ආසන්නව පිහිටි නිවාඩු නිකේතනක සිටි පිරිස් වන අතර ගින්න දැඩි ලෙස පැතිරුණු ප්‍රදේශවල ජනතාව දිවි බේරා ගැනීම සඳහා දිව ගොස් ඇත්තේ මුහුද දෙසටයි.

• ඉන්දියාවට හා ජපානයට කොළඹ වරායේ නව බහාලුම් පර්යන්තයකට රජයෙන් සැලසුම් ?
• තරුණ පරපුරට නව දැක්මක් දෙන V’Force පළමු නායකත්ව පුහුණු වැඩමුළුව
• රටේ ජාතික ආරක්ෂාව ශක්තිමත් කිරීමට සියලු පාර්ශවයන්ගේ සහය අවශ්‍යයි – ජනපති
• උඩරට දුම්රිය මාර්ගයේ තිබි තරුණයෙකුගේ මළ සිරුරක් හමුවෙයි
• බදුරලියේ බෝම්බ සොයා ගැනීමේ සිද්ධියට අත්අඩංගුවට ගත් සැකකරු CCD ය භාරයට
• ඇමති රිෂාඩ් බදියුදීන් FCID ය හමුවට
• ජ්‍යෙෂ්ඨ පොලිස් අධිකාරීවරයෙකුට හා පොලිස් අධිකාරීවරුන් 4 දෙනෙකුට ස්ථාන මාරුවීම්
• කොළඹ, කළුතර, ගම්පහ, කුරුණෑගල සහ පුත්තලම කේන්ද්‍ර කර ගනිමින් විශේෂ සෝදිසි මෙහෙයුම්
• කේරළ ගංජා කිලෝග්‍රෑම් 245ක් සමග දෙදෙනෙකු උතුරු මුහුදේදී අත්අඩංගුවට
• නීති විරෝධීව නවසීලන්තය බලා සංක්‍රමණය වීමට තැත් කළ 41 දෙනා ගාල්ල නාවික හමුදා වරායට