මාතලේට දින දෙකක ජල කප්පාදුවක්

COLOMBO (News 1st) : මාතලේ ප්‍රදේශ කිහිපයකට අද උදෑසන 8 සිට දින දෙකක කාලයක් ජල සැපයුම අත්හිටුවන බව ජාතික ජල සම්පාදන හා ජල පවහන මණ්ඩලය පවසයි. එම මණ්ඩලය සඳහන් කළේ, ඒ අනුව පළාපත්වෙල ප්‍රාදේශීය සභා සිමාව මාතලේ නගර සභා සිමාවේ රත්තොට හන්දියේ සිට ඒ 9 මාර්ගයේ ප්‍රාදේශීය සභා සීමාව දක්වා ප්‍රදේශය අලුවිහාර පන්සල අවට ප්‍රදේශය පළා පත්වල නගරය හා අවට ප්‍රදේශවලට ජල සැපයුම අත්හිටුවීමට පියවර ගෙන ඇති බවයි. පළාපත්වල කලාපයට ජලය පොම්ප කරන නල මාර්ගයේ අලුත්වැඩියා කටයුත්තක් හේතුවෙන් එලෙස ජල සැපයුම අත්හිටුවන බව ද ජාතික ජල සම්පාදන හා ජලාපවහන මණ්ඩලය නිවේදනයක් නිකුත් කරමින් සඳහන් කළේ ය.