හෙට උදෑසන 8 සිට ජල සැපයුම අත්හිටුවන ප්‍රදේශ මෙන්න...

COLOMBO (News 1st) - නඩත්තු කටයුත්තක් හේතුවෙන් හෙට පෙරවරු 8.00 සිට පැය 16ක කාලයක් පෑලියගොඩ, කැලණිය ඇතුළු පළාත් පාලන බල ප්‍රදේශ කිහිපයක ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසයි. ඒ අනුව වත්තල නගර සභා බල ප්‍රදේශය, වත්තල ප්‍රාදේශීය සභා බල ප්‍රදේශය, බියගම, මහර, දොම්පේ, ජා-ඇළ සහ ගම්පහ ප්‍රාදේශීය සභා බල ප්‍රදේශවලට එම කාලය තුළ ජල සැපයුම අත්හිටවනු ඇති. ඊට අමතරව ජා-ඇළ නගර සභා බල ප්‍රදේශයට සහ කටුනායක, සීදුව නගර සභා බල ප්‍රදේශයට ද හෙට පෙරවරු 8.00 සිට ජල සැපයුම අත්හිටුවන බව ජල සම්පාදන මණ්ඩලය නිකුත් කළ නිවේදනයේ සඳහන් ය.