දකුණු අප්‍රිකාවට එරෙහිව පළමු ටෙස්ට් ක්‍රිකට් තරගයෙන් ශ්‍රී ලංකාවට විශිෂ්ට ජයක්

COLOMBO (News 1st) - දකුණු අප්‍රිකාව සමග පැවැති පළමු ටෙස්ට් ක්‍රිකට් තරගය දින 2ක් ඉතිරිව තිබියදී ලකුණු 278කින් ජය ගැනීමට ශ්‍රී ලංකා කණ්ඩායම අද සමත් විය. ගාල්ල ජාත්‍යන්තර ක්‍රිකට් ක්‍රීඩාංගණයේ පැවැති තරගයේ ජයග්‍රහණය සඳහා ලකුණු 352ක ඉලක්කයක් කරා හඹා ගිය දකුණු අප්‍රිකා ක්‍රීඩකයින්ට දෙවැනි ඉනිමේදී සියලු දෙනා දැවී රැස් කර ගැනීමට හැකි වුණේ ලකුණු 73ක් පමණි. ශ්‍රී ලංකා කණ්ඩායම පළමු ඉනිමට ලකුණු 287ක් රැස් කළ අතර ඊට පිළිතුරු ලෙස දකුණු අප්‍රිකාවට පළමු ඉනිමට රැස් කර ගැනීමට හැකි වූයේ ලකුණු 126ක් පමණි.