ගෙවුණු දවස උණුසුම් කළ පුවත්…

COLOMBO (News 1st) 1. ජනාධිපති මෛත්‍රීපාල සිරිසේන මහතා පසුගියදා (11 වන දා) කළ ප්‍රකාශයත් සමග මරණ දඬුවම යළි ක්‍රියාත්මක කිරීම සම්බන්ධයෙන් කතාබහක් ඇති වී තිබේ. ජනාධිපතිතුමා ප්‍රකාශ කළ ආකාරයට මත්ද්‍රව්‍ය පිළිබඳ වැරදිවලට මරණ දඬුවම නියම වීමෙන් පසුවත් ජාවාරම් කරන පුද්ගලයින්ට මරණ දඬුවම ක්‍රියාත්මක කිරීමට නියමිත ය. බන්ධනාගාර කොමසාරිස් සහ මාධ්‍ය ප්‍රකාශක තුෂාර උපුල්දෙණිය මහතා පැවසුවේ, මරණ දඬුවම සඳහා ස්ථීර වුණු සිරකරුවන් 374 දෙනෙකු දිවයින පුරා බන්ධනාගාරවල රඳවා සිටින බව ය. 2. හිටපු අමාත්‍ය බැසිල් රාජපක්ෂ මහතාගේ බිරිඳ වන පුෂ්පා රාජපක්ෂ මහත්මියට මුදල් ලබා දුන් බව චීනයට වැඩි කොටස් ප්‍රමාණයක් හිමි CICT සමාගම පිළිගෙන ඇතැයි ඔවුන් නිකුත් කළ නිවේදනයක් උපුටා දක්වන මාධ්‍ය ඊයේ අනාවරණය කළේ ය. මෙම අනාවරණය සම්බන්ධයෙන් ප්‍රතිචාර දක්වන CICT සමාගම පවසන්නේ, රුපියල් එක්කෝටි අනූහතර ලක්ෂ දස දහසක් හෙවත් අමෙරිකානු ඩොලර් එක්ලක්ෂ පනස්දහසක් පුෂ්පා රාජපක්ෂ මහත්මියට ලබා දුන් බව ය. 3. ශ්‍රීලංකන් ගුවන් සමාගම, ශ්‍රීලංකන් කේටරින් හා මිහින් ලංකා සමාගම් විමර්ශනය කරන ජනාධිපති කොමිසම සාක්ෂිකරුවන්ගේ ආරක්ෂාව සඳහා ප්‍රමුඛතාවක් ලබා දී තිබේ. 4. රියැදුරු බලපත්‍ර ලබා ගැනීම සඳහා දැනට පැවැත්වෙන ලිඛිත පරීක්ෂණ වෙනුවට පරිගණක ස්පර්ශ තිරය භාවිතයෙන් රියැදුරු බලපත්‍ර ලබා ගැනීමේ විභාගයට පෙනී සිටීමේ නව ක්‍රමවේදයක් ඊයේ හඳුන්වා දුන්නේ ය. විදෙස් පුවත් 5. ලෝක ප්‍රකට උරුමයක් ලෙස සැලකෙන ටජ්මහල් ආරක්ෂා කිරීමට ඉන්දීය රජය අසමත් වී ඇතැයි ශ්‍රේෂ්ඨාධිකරණය අවධාරණය කර තිබේ. ශ්‍රේෂ්ඨාධිකරණය පැවසූවේ, ෆෙඩරල් සහ ප්‍රාන්ත ආණ්ඩුවල උදාසීන ක්‍රියාකලාපය හේතුවෙන් එම ස්මාරකය දැඩි ලෙස පරිහානියට ලක් ව ඇති බවයි. ක්‍රීඩා පුවත් 6. ආරම්භක පිතිකරු දිමුත් කරුණාරත්න ඊයේ ටෙස්ට් දිවියේ 8 වන ශතකය වාර්තා කළේ ය. ඒ, දකුණු අප්‍රිකාව සමග ආරම්භ වූ පළමු ටෙස්ට් ක්‍රිකට් තරගයේදී ය.