දෙදෙනෙකුට මරු කැඳවූ වවුනියාව, පුලියන්කුලමදී සිදු වූ මාරාන්තික රිය අනතුර

COLOMBO (News 1st) - වවුනියාව, පුලියන්කුලම ප්‍රදේශයේ රිය අනතුරකින් පුද්ගලයින් දෙදෙනෙකු මිය ගොස් තවත් 3 දෙනෙකු තුවාල ලබා තිබේ. පොලීසිය පැවසුවේ, වවුනියාව සිට කිලිනොච්චිය දෙසට ගමන් කරන ලද කන්ටේනර් රථයක් සහ කිලිනොච්චිය සිට වවුනියාව දෙසට ගමන් කරන ලද බස් රථයක් එලෙස අනතුරට ලක්ව ඇති බව ය. බස් රථයේ හා කන්ටේනර් රථයේ වේගය පාලනය කර ගැනීමට නොහැකි වීමෙන් මෙම අනතුර සිදුව ඇති බවට මූලික පරීක්ෂණවලදී හෙළිව තිබේ. අනතුරින් මිය ගොස් ඇත්තේ, බස් රථයේ ගමන් කළ කාන්තාවක හා කන්ටේනර් රථයේ රියැදුරා ය. තුවාල ලැබූ පුද්ගලයෝ වවුනියාව රෝහලේ ප්‍රතිකාර ලබති.