හෙරොයින් සමග අයෙක් මධ්‍යම තැපැල් හුවමාරුවේදී අත්අඩංගුවට

COLOMBO (News 1st) - හෙරොයින් ග්‍රෑම් 237ක් සමග සැකකරුවෙකු කොළඹ මධ්‍යම තැපැල් හුවමාරුවේදී රේගුව මගින් අත්අඩංගුවට ගෙන තිබේ. රේගු අධ්‍යක්ෂ සහ මාධ්‍ය ප්‍රකාශක සුනිල් ජයරත්න මහතා පැවසුවේ, ඔහුගෙන් සිදු කළ ප්‍රශ්න කිරීම්වලදී ඊට සම්බන්ධ තවත් සැකකරුවන් දෙදෙනෙකු අත්අඩංගුවට ගත් බව ය. අදාළ හෙරොයින් තොගයේ වටිනාකම රුපියල් මිලියන 3කි. සැකකරුවන් මිනුවන්ගොඩ සහ කොළඹ ප්‍රදේශවල පදිංචිකරුවන් බව ද ඔහු වැඩිදුරටත් සඳහන් කළේ ය. වැඩිදුර පරීක්ෂණ සඳහා අදාළ හෙරොයින් තොගය සහ සැකකරුවන් පොලිස් මත්ද්‍රව්‍ය නාශක කාර්යංශය වෙත භාර දුන් බව ද සුනිල් ජයරත්න මහතා පැවසුවේ ය.