සම්පූර්ණ කළ ඡන්ද හිමි නාම ලේඛනය 8 වන දාට පෙර ග්‍රාම නිලධාරීන්ට ලබා දෙන්න - මැතිවරණ කොමිෂන් සභාව

COLOMBO (News 1st) - ඡන්ද හිමි නාම ලේඛනය සම්පූර්ණ කර ලබන 8 වන දාට පෙර ග්‍රාම නිලධාරීන්ට ලබා දෙන්නැයි ජාතික මැතිවරණ කොමිෂන් සභාව ජනතාවට දැනුම් දෙයි. ජාතික මැතිවරණ කොමිෂන් සභාවේ අතිරේක මැතිවරණ කොමසාරිස් එම්.ඒ.පී.සී. පෙරේරා මහතා සඳහන් කළේ, අදාළ කාලසීමාව තුළ ඡන්ද හිමි නාම ලේඛනයට නම ඇතුළත් කිරීමට නොහැකි වූ පුද්ගලයින් ඒ පිළිබඳව ග්‍රාම නිලධාරීන් හෝ දිස්ත්‍රික් මැතිවරණ කාර්යාල දැනුවත් කර ඒ සඳහා නම ඇතුළත් කරගත හැකි බව ය.