තායිලන්තයේ ලෙනක් තුළ සිරවී සිටින පිරිසක් මුදා ගැනීමේ මෙහෙයුමේදී කිමිදුම්කරුවෙකු මරුට

(News 1st) - තායිලන්තයේ ලෙනක් තුළ සිරවී සිටින පිරිසක් මුදා ගැනීමේ මෙහෙයුමේ නිරත කිමිදුම්කරුවෙකු මිය ගොස් තිබේ. තායිලන්තයේ ලෙනක් තුළ සිරවී සිටින දරුවන් 12 දෙනා සහ ඔවුන්ගේ පුහුණුකරු මුදා ගැනීමේ මෙහෙයුම් අතරතුර මෙලෙස මිය ගොස් ඇත්තේ, එරට නාවික හමුදාවේ හිටපු ‍සෙබලෙකු ලෙස කටයුතු කළ කිමිදුම්කරුවෙකි. සම්රාන් පුනම් නමැති ඔහු ඊයේ රාත්‍රියේ ලෙනේ පිටවීමේ මාර්ගයක් ලෙස භාවිත කළ හැකි ස්ථානයක් තුළ ඔක්සිජන් ටැංකි තැන්පත් කිරීමට යාමේදී මෙලෙස මරණයට පත්ව තිබේ. මේ අතර තායිලන්ත නාවික සීල් අංශයේ කොමාන්ඩර්වරයා ප්‍රකාශ කළේ, ලෙන තුළ ඉතා අසීරු තත්ත්වයක් පවතින බව ය. තද වැසි ආරම්භ වීමට පෙර පිරිස ඉන් පිටතට ගත යුතු බවට මුදා ගැනීමේ කණ්ඩායම් පවසති.