බලපිටියට පැය 10ක ජල කප්පාදුවක්

ගාලු පාර බලපිටිය ඇතුළු ප්‍රදේශ කිහිපයකට අද උදෑසන 9 සිට පස්වරු 7 දක්වා පැය 10ක කාලයක් ජල සැපයුම අත්හිටුවන බව ජාතික ජල සම්පාදන හා ජලපවාහන මණ්ඩලය පවසයි. නිවේදනයක් නිකුත් කරමින් එම මණ්ඩලය පැවසුවේ, අත්‍යවශ්‍ය නඩත්තු කටයුත්තක් හේතුවෙන් එලෙස ජල සැපයුම අත්හිටුවන බවයි. ඒ අනුව, බලපිටියේ සිට කොස්ගොඩ දක්වා සහ ඒ ආශ්‍රිත සියලු අතුරු මාර්ගවල මෙන්ම ගල්මංගොඩ සහ බෙන්තර ජල සම්පාදන ක්‍රමයෙන් ජලය සැපයෙන ප්‍රදේශවලට ජල සැපයුම අත්හිටුවනු ඇති.