කොතලාවල විශ්වවිද්‍යාල විශේෂ විධිවිධාන පනත බලාත්මකයි

ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයීය විශේෂ විධිවිධාන පනතට කතානායක කරූ ජයසූරීය මහතා අද අත්සන් තැබී ය. ඒ, කතානායක කාර්යාලයේදීයි. දකුණු ආසියාතික තාක්ෂණික සහ වෛද්‍ය ආයතනයෙහි ලියාපදිංචි වී ඇති ශිෂ්‍යයින් 1981 අංක 68 දරණ ශ්‍රීමත් ජෝන් කොතලාවල ආරක්ෂක විශ්වවිද්‍යාල පනත මගින් පිහිටුවන ලද ශ්‍රීමත් ජෝන් කොතලාවල ආරක්ෂක විශ්වවිද්‍යාලයට අන්තර්ග්‍රහණය කිරීම පිළිබඳ විධිවිධාන ඇතුළත් පනතට පසුගිය 20 වන දා පාර්ලිමේන්තු අනුමැතිය හිමිවිය. ඒ අනුව අදාළ පනත පාර්ලිමේන්තුවෙන් සම්මත කරන ලද නීතිමය බලය සහිත පනත් ලෙස ක්‍රියාත්මක වනු ඇති.