පොලීසියට අල්ලස් දීමට තැත් කළ සැකකරුට වැඩවරදී

මෝදර, රන්දිය උයන මහල් නිවාසය ආසන්නයේදී පොලිස් නිලධාරියෙකුට රුපියල් ලක්ෂයක අල්ලස් මුදලක් දීමට තැත් කළ පුද්ගලයෙකු අත්අඩංගුවට ගෙන තිබේ. පොලීසිය පැවසුවේ, ප්‍රදේශයේ කළ වැටලීමකදී හෙරොයින් ග්‍රෑම් 5 ක් සන්තකයේ තබාගෙන සිටි සැකකාරියක අත්අඩංගුවට ගෙන ඇති අතර ඇයට නඩු කටයුත්තක් නොපවරා මුදාහරින ලෙස ඉල්ලා ඇයගේ හිතවතෙකු විසින් පොලිස් නිලධාරියාට එම අල්ලස් මුදල ලබාදීමට උත්සාහ කර ඇති බවයි. හෙරොයින් සමග එලෙස අත්අඩංගුවට ගෙන ඇත්තේ, 50 හැවිරිදි සැකකාරියකි. ඇය සම්බන්ධයෙන් අල්ලස් ලබාදීමට ඉදිරිපත්ව ඇත්තේ, 37 හැවිරිදි කොටහේන ප්‍රදේශයේ පදිංචිකරුවෙක් වන අතර ඔවුන් දෙදෙනා අද අධිකරණයට ඉදිරිපත් කිරීමට නියමිත ය. මේ අතර බොරුල්ල, වැලිමඩ, මෝදර හා ගල්කිස්ස ප්‍රදේශවලදී හෙරොයින් සමග තවත් සැකකරුවන් 6 දෙනෙකු අත්අඩංගුවට ගෙන ඇතැයි පොලිසිය සඳහන් කළේ ය.