දිනේෂ් චන්දිමාල්ට ICCය චෝදනා ගොනු කරයි

COLOMBO (News 1st) - බටහිර ඉන්දිය කොදෙව් කණ්ඩායම් සමග පැවැත්වෙන දෙවැනි ටෙස්ට් ක්‍රිකට් තරගයේදී, පන්දුවේ ස්වභාවය වෙනස් කිරීම හේතුවෙන් ශ්‍රී ලංකා ක්‍රිකට් නායක දිනේෂ් චන්දිමාල් හට අන්තර් ජාතික ක්‍රිකට් කවුන්සිලය (ICC) චෝදනා ගොනු කර තිබේ. ට්විටර් පණිවුඩයක් නිකුත් කරමින් අන්තර් ජාතික ක්‍රිකට් කවුන්සිලය සඳහන් කළේ, දිනේෂ් චන්දිමාල් එම ආයතනය ආචාර ධර්ම පද්ධතියේ 2 යි දශම 2 යි 9 වගන්තියේ නීති උල්ලංඝනය කර ඇති බව ය. ශ්‍රී ලංකා සහ බටහිර ඉන්දිය කොදෙව් කණ්ඩායම් අතර තරගය අද සිව්වැනි දිනයට පැවැත් වීමට නියමිත ය.