COLOMBO (News 1st) – අර්ජුන් ඇලෝෂියස් හා කසුන් පාලිසේන යන සැකකරුවන් වෙනුවෙන් ඇප ඉල්ලා සිටීම නීත්‍යානුකූල හා විධිමත් ක්‍රියාමාර්ගයක් නොවන බව ජ්‍යේෂ්ඨ අතිරේක සොලිසිටර් ජෙනරාල් යසන්ත කෝදාගොඩ මහතා අද අභියාචනාධිකරණය හමුවේ ප්‍රකාශ කර තිබේ.

ඇප ඉල්ලීම ප්‍රතික්ෂේප කරමින් කොටුව මහේස්ත්‍රාත් අධිකරණය හා කොළඹ මහාධිකරණය දුන් නියෝග ප්‍රතිශෝධනය කිරීම සඳහා අයැදුම්පත් ඉදිරිපත් කිරීමෙන් අපේක්ෂා කරනුයේ පහළ අධිකරණයක් විසින් ලබාදුන් නියෝගයක් ප්‍රතිශෝධනය කරගැනීමක් මිස ඇප ඉල්ලා සිටීමක් නොවන බැවින් එම ප්‍රතිශෝධන ඉල්ලුම්පත්‍ර සලකා ඇප ලබාදීමේ නියෝගයක් නිකුත් කිරීමට අභියාචනාධිකරණයට බලයක් නොමැති බව අතිරේක සොලිසිටර් ජෙනරාල්වරයා එහිදී පෙන්වා දුන්නේ ය.

සැකකරුවන් වෙනුවෙන් ඇප අයැදුම්පත් ඉදිරිපත් කර ඇප ඉල්ලා සිටියහොත් ඒ පිළිබඳ සලකා බැලීමේ නීතිමය බලය අභියාචනාධිකරණයට හිමිව ඇතැයි අතිරේක සොලිසිටර් ජෙනරාල්වරයා ප්‍රකාශ කර ඇත.

අභියාචනාධිකරණයේ සභාපති විනිසුරු පී. පද්මන් සූරසේන හා ශිරාන් ගුණරත්න යන විනිසුරු මඩුල්ල නියෝග කළේ, අර්ජුන් ඇලෝෂියස් හා කසුන් පාලිසේන යන සැකකරුවන් දෙදෙනාට ඇප ලබාදෙන ලෙස ඉල්ලා ගොනුකර තිබූ ප්‍රතිශෝධන අයැදුම්පත සම්බන්ධයෙන් වැඩිදුර විභාගය ලබන 04 වන දා දක්වා කල් තැබීමට ය.

ප්‍රතිශෝධන පෙත්සම් විභාගය අතරතුරදී නීතිපති දෙපාර්තමේන්තුව බැඳුම්කර සිද්ධිය හා අර්ජුන් ඇලෝෂියස් ඇතුළු සැකකරුවන් සම්බන්ධයෙන් කරුණු දක්වනුයේ ජනමාධ්‍ය ඉලක්ක කර මාධ්‍යයේ පළ කිරීම සඳහා බවට අර්ජුන් ඇලෝෂියස් මහතා වෙනුවෙන් පෙනීසිටි ජනාධිපති නීතිඥ ගාමිණි මාරපන මහතා කළ කරණු දැක්වීමට අතිරේක සොලිසිටර් ජෙනරාල්වරයා විවෘත අධිකරණය හමුවේදී දැඩි අප්‍රසාදය පළ කළේ ය.

ගාමිණි මාරපන මහතා වැනි ජ්‍යේෂ්ඨ ජනාධිපති නීතිඥවරයෙකු එවැනි අදහසක් පළ කිරීම ඔහුගේ ජ්‍යේෂ්ඨත්වයට නුසුදුසු ක්‍රියාවක් බව ද අතිරේක සොලිසිටර් ජෙනරාල්වරයා එහිදී පෙන්වා දුනි.

• වර්ෂාව සමග ඇති වූ සුළඟකින් ආරච්චිකට්ටුවේ නිවාස 5කට හානි
• හෙට සිට වැසි තත්ත්වයේ වැඩි වීමක්
• පැය 24ක් තුළ ජනාධිපතිවරණයට අදාළව පැමිණිලි 87ක් – මැතිවරණ කොමිසන් සභාව
• කේරළ ගංජා තොගයක් සමග පොලිස් නිලධාරියෙකු ඇතුළු 5 දෙනෙක් අත්අඩංගුවට
• රග්බි ලෝක කුසලානයේ අර්ධ අවසන් පූර්ව වටය අද ඇරඹේ
• ඇෆ්ගනිස්ථානයේ දේවස්ථානයකට එල්ල වූ බෝම්බ ප්‍රහාරයකින් 62 දෙදෙනෙකු මරුට
• මැතිවරණ නීති උල්ලංඝණය කළ පුද්ගලයින් 11 දෙනෙකු අත්අඩංගුවට
• දිස්ත්‍රික්ක 4 කට පැන වූ නාය යෑමේ අනතුරු ඇඟවීමේ නිවේදනය දීර්ඝ කෙරේ
• පක්ෂය සුරකිමින් ගෝඨාභය රාජපක්ෂට සහය දක්වනවා – දයාසිරි ජයසේකර
• ශ්‍රී ලංකා නිදහස් පක්ෂය සහ ගෝඨාභය රාජපක්ෂ අවබෝධතා ගිවිසුමකට අත්සන් තබයි