සිරස TV ජූනි 10 සිට නවමු ආරකින් ප්‍රේක්ෂක ඔබ වෙත

COLOMBO (News 1st) - මෙරට ටෙලිවිෂන් වංශ කථාවේ නව්‍යකරණයේ පෙර ගමන්කරුවා වන සිරස ටී.වී. එළැඹෙන ජූනි 10 වන දා සිය 20 වන සංවත්සරය සමරයි. ඊට සමගාමීව එහි වැඩසටහන් පෙළගැස්මේ නව්‍යතා රැසක් සමගින් ප්‍රේක්ෂක ඔබ වෙත සමීප වීමට අප සූදානම්. සිරස ටී.වී. 20 වන සංවත්සරය අරමුණු කර ගනිමින්, සැණකෙළියට සැරසෙමින් යන තේමාව යටතේ නව වැඩසටහන් පෙළගැස්ම පිළිබඳව ඊයේ කොළඹදී දැනුවත් කෙරිණි. අළෙවි ආයතන, වෙළෙඳ ප්‍රචාරණ ආයතන හා වාණිජ සමාගම් විශාල ප්‍රමාණයක නියෝජිත මහත්ම මහත්මීන් මේ සඳහා එක්ව සිටියහ.