අමෙරිකාවේ අයිවි ලීග් විශ්වවිද්‍යාලයක් වන බ්‍රවුන් සරසවිය සිය උසස් පර්යේෂණ සඳහා ගම්මැද්ද තෝරා ගනී

COLOMBO (News 1st) - ගම්මැද්ද වැඩසටහන ග්‍රාමීය සංවර්ධනය පිළිබඳ වඩාත් සාර්ථක ගෝලීය උදාහරණයක් ලෙස බ්‍රවුන් විශ්වවිද්‍යාලයේ උසස් පර්යේෂණ ආයතනයේදී පසුගියදා ඉදිරිපත් කිරීමක් සිදු කෙරිණි. කැපිටල් මහරාජා සංවිධානයේ සමූහ අධ්‍යක්ෂ ෂෙවාන් ඩැනියල් මහතා රෝඩ් දිවයිනේ පිහිටා ඇති අමෙරිකාවේ උසස් විශ්වවිද්‍යාලයක් අමතමින් මෙලෙස එම වැඩසටහන පිළිබඳව දේශනයක් පැවැත්විය. ඔක්ස්ෆර්ඩ් විශ්වවිද්‍යාලයේ ව්‍යසායකත්ව හා නවෝත්පාදන පිළිබඳ මහාචාර්ය ලින්ඩා ස්කොට් මහත්මිය ද මෙහිදී අදහස් දැක්වූවා ය. විශ්වවිද්‍යාලයීය ජාත්‍යන්තර උසස් තාක්ෂණ ආයතනය(BIARI) ගෝලීය ගැටලු විසඳීම සඳහා ශ්‍රාස්ත්‍රාලීය, වෘත්තීය සහ භූගෝලීය සීමාවන් හරහා කටයුතු කිරීම සඳහා ලොව පුරා සිටින විද්වතුන් සහ වෘත්තිකයින් මෙම හමුව සඳහා කැඳවයි. මෙහිදී බ්රවුන් විශ්වවිද්‍යාලයේ මහාචාර්යවරු විසින් සමාන්තර මාර්ග 3ක් ඉදිරිපත් කර තිබේ. සමාජ ව්‍යවසායකත්වය යනු සෞඛ්‍ය සහ මානුෂීය අංශ ඇතුළුව අසමාන තත්ත්වයන් පරිවර්තනය කරන තරුණ ක්ෂේත්‍රයකි.