රංගේ බණ්ඩාරගේ පුත්‍රයා පැදවූ කැබ් රථය අනතුරකට ලක් වී 4 දෙනෙකුට තුවාල

COLOMBO (News 1st) - රාජ්‍ය අමාත්‍ය පාලිත රංගේ බණ්ඩාර මහතාගේ පුත් යශෝධ රංගේ බණ්ඩාර මහතා පැදවූ කැබ් රථයක් අනතුරට ලක් වීමෙන් ඔහු ඇතුළු පුද්ගලයින් 4 දෙනෙකු තුවාල ලබා තිබේ. පොලීසිය සඳහන් කළේ, රථයේ වේගය පාලනය කර ගැනීමට නොහැකිව අද අලුයම 12.45ට පමණ ආරච්චිකට්ටුව කෝට්ටපිටිය මන්සන්ධියේදී මෙම අනතුර සිදුව ඇති බව ය. එහිදී කැබ් රථය තාප්පයකට හානි කරමින් නිවසක් වෙතට ධාවනය වී ඇති බව පොලීසිය පැවසුවේ ය. තුවාල ලැබූවන්ගෙන් දෙදෙනෙකු ප්‍රතිකාර ලබා රෝහලෙන් පිටව ගොස් ඇති අතර යශෝධ රංගේ බණ්ඩාර මහතා ඇතුළු දෙදෙනෙකු හලාවත රෝහලේ නේවාසිකව ප්‍රතිකාර ලබන බව ද පොලීසිය සඳහන් කළේ ය.