ශ්‍රීලංකන් ගුවන් යානයක් කොචින් ගුවන් තොටුපොළේදී සුළු අනතුරක

COLOMBO (News 1st) : ශ්‍රීලංකන් එයාර්ලයින් සමාගමට අයත් ගුවන් යානයක් ඉන්දියාවේ කොචින් ගුවන් තොටුපොළට ගොඩ බැස්වීමේදී ලිස්සායාමක් පිළිබඳව තොරතුරු වාර්තා වේ. සිද්ධියෙන් කිසිවෙකුටත් හානියක් සිදුවී නැතැයි සමාගමේ මාධ්‍ය ප්‍රකාශක දීපාල් පෙරේරා මහතා පැවසී ය. වර්ෂාව සහ අධික සුළං තත්ත්වය යටතේ මෙම ගොඩබැස්සවීම සිදුව තිබේ. ගුවන් නියමුවන්ගේ දක්ෂතාව නිසා සිදුවීමට ගිය විශාල අනතුරක් වළක්වා ගැනීමට හැකි වූ බව මාධ්‍ය ප්‍රකාශකවරයා පැවසී ය. ගුවන් යානය ලිස්සායාම නිසා ධාවන පථයේ සවි කළ විදුලි සංඥා කිහිපයකට අලාභහානි සිදුව ඇතැයි වාර්තා වේ. යු.එල්. 167 දරණ ගුවන් යානය කොළඹ සිට කොචින් දක්වා පියාසර කළ අතර යානයේ මගීන් 228 දෙනෙකු සහ කාර්ය මාණ්ඩල සාමාජීකයින් 12 සිටි බව ගුවන් සමාගමේ මාධ්‍ය ප්‍රකාශක දිපාල් පෙරේරා මහතා පැවසී ය.