ආණ්ඩුවෙන් ඉවත් වූ නිදහස් පක්ෂයේ 16 දෙනාගේ දෙහි කැපිල්ල

COLOMBO (News 1st) - ජාතික ආණ්ඩුවෙන් ඉවත් වූ ශ්‍රී ලංකා නිදහස් පක්ෂ මන්ත්‍රීවරුන් 16 දෙනා පාක්ෂිකයින් දැනුවත් කිරීමේ සම්මන්ත්‍රණ මාලාවක් අද ආරම්භ කළහ. ඒ, මාතර උයන්වත්ත ක්‍රීඩාංගණයේදී ය. හෘද සාක්ෂියේ නිදහස යන්න තේමා කර ගත් මෙම සම්මන්ත්‍රණ මාලාව අද ආරම්භ කෙරුණේ, මාතර බෝ සමිඳුන්ගේ ආශිර්වාද ලබා ගනිමිනි. මීට මන්ත්‍රීවරුන් 16 දෙනා අතරින් 13 දෙනෙකු පැමිණ සිටි අතර, ටී.බි. ඒකනායක, අනුර ප්‍රියදර්ශන යාපා, තාරානාත් බස්නායක යන මහත්වරු රැලියට එක්ව නොසිටියහ.