ශ්‍රී ලංකා තේ නාමය නව මගකින් ලොව හමුවට

COLOMBO (News 1st) : සම්ප්‍රදායික ප්‍රචාරයෙන් ඔබ්බට ගොස් ශ්‍රී ලංකා තේ නාමය සමාජ මාධ්‍ය මගින් ලෝකයට ගෙන යාමට කටයුතු කරන බව වැවිලි කර්මාන්ත අමාත්‍ය නවීන් දිසානායක මහතා පවසයි. ඒ සඳහා සමාජ මාධ්‍ය යොදා ගැනීමට අපේක්ෂා කරන බව ද අමාත්‍යවරයා එහිදී වැඩිදුරටත් සඳහන් කළේ ය. අමාත්‍යවරයා එම අදහස් පළ කළේ, ශ්‍රී ලංකා තේ මණ්ඩල (සංශෝධන ) පනත් කෙටුම්පත අද පාර්ලිමේන්තුවේ දී විවාදයට ගත් අවස්ථාවේදීයි. මේ වන විට මෙරට තේ සඳහා ඉහළ මිලක් ලබාගත හැකි ව ඇති බව ද අමාත්‍යවරයා එහිදී ප්‍රකාශ කළේ ය. තේ වගාකරුවන් දිරිමත් කිරීම හරහා තේ වගාව ප්‍රචලිත කිරීමට අපේක්ෂා කරන බව ද අමාත්‍යවරයා සඳහන් කර ඇත.