කොට්ටාවේදී දුම්රියක් පීලි පැනීමෙන් කැලණිවැලි දුම්රිය ධාවනය තවදුරටත් මහරගම දක්වා

COLOMBO (News 1st) - කොට්ටාවේදී දුම්රියක් පීලි පැනීම හේතුවෙන් කැලණිවැලි දුම්රිය ධාවනය තවදුරටත් මහරගම දක්වා සීමා කර ඇති බව දුම්රිය පාලක මැදිරිය පවසයි. එහි ප්‍රකාශකයෙකු සඳහන් කළේ, දුම්රිය පීලිගත කිරීම මෙතෙක් අවසන් කර නොමැති බව ය. ඊයේ පස්වරුවේ සිදුවූ දුම්රිය පීලි පැනීමෙන් එහි මැදිරි 3ක් මාර්ගයෙන් ඉවතට ගොස් ඇති බව ද ඔහු ප්‍රකාශ කළේ ය. මේ අතර තුම්මෝදර ප්‍රදේශය ජලයෙන් යටවීම හේතුවෙන් හලාවත මාර්ගයේ දුම්රිය ධාවනය තවදුරටත් ලුණුවිල දක්වා සීමා කර ඇති බව දුම්රිය පාලක මැදිරිය පැවසුවේ ය.