මැඩ්රිඩ් ටෙනිස් ශූරතාව ජර්මනියේ සෙව්රෙව්ට

ජර්මනියේ ඇලෙක්සැන්ඩර් සෙව්රෙව් මැඩ්රිඩ් විවෘත ටෙනිස් තරගාවලියේ ශූරතාව දිනා ගත්තේ ය. ඒ අවසන් මහා තරගයේදී ඔස්ට්‍රියාවේ ඩොමිනික් තීම් පරාජය කරමිනි. මැඩ්රිඩ් විවෘත ටෙනිස් තරගාවලිය 2002 වසරේදී ආරම්භ විය. මෙවර මැඩ්රිඩ් විවෘත ටෙනිස් තරගාවලියේ අවසන් මහා තරගයේදී ජර්මනියේ ඇලෙක්ස්සැන්ඩර් සෙව්රේව් සමග තරග වැදුණේ ඔස්ට්‍රියාවේ ඩොමිනික් තීම්. වැඩි දක්ෂතාවක් ප්‍රදර්ශනය කළ සෙව්රේව් තරගයේ ජය තහවුරු කර ගැනීමට සමත් විය. ඔහු තරගය ජය ගත්තේ තරග වට 2 ට 0 ක් ලෙසයි. තරගයේ වට දෙක ම ලකුණු 6ට 4ක් බැගින් ජය ගැනීමට සෙව්රේව් සමත් විය. මේ වන විට ලෝක ටෙනිස් ශ්‍රේණිගත කිරීම්හි තුන්වැනි ස්ථානය ඇලෙක්සැන්ඩර් සෙව්රෙව්ට හිමිව ඇති අතර ඩොමිනික් තීම් එහි සත්වැනි ස්ථානයේ රැඳී සිටිති.