මාතර - කතරගම ප්‍රධාන මාර්ගය අවහිර කරමින් ධීවරයින් පිරිසක් උද්ඝෝෂණයක

COLOMBO (News 1st) - මාතර - කතරගම ප්‍රධාන මාර්ගය හුංගම, ගුරුපොකුණ මංසන්ධිය අවහිර කරමින් ධීවරයින් පිරිසක් උද්ඝෝෂණයක් ආරම්භ කර තිබේ. ඒ, භුමිතෙල් සහ ඩීසල් මිල ඉහළ දැමීම විරෝධය පල කරමිනි. රජය විසින් භූමිතෙල් සහ ඩීසල් මිල වැඩි කිරීම හේතුවෙන් තම ජීවනෝපාය කරගත නොහැකිව තමන් දැඩි අපහසුතාවකට පත්ව සිටින බව උද්ඝෝෂණයේ නිරත ධීවරයින් පවසයි. රජය විසින් පසුගියදා ඉන්ධන මිල ඉහළ දැමීමත් සමග භූමිතෙල් මිල රුපියල් 57 කින් ද ඔටෝ ඩීසල් මිල රුපියල් 14 කින් ද සුපිරි ඩීසල් මිල රුපියල් 9කින් ද වැඩි කරනු ලැබිණි.