පොලිස් මෙහෙයුමකින් 2051 දෙනෙකු අත්අඩංගුවට

COLOMBO (News 1st) - දිවයින පුරා සිදු කළ මෙහෙයුමකින් වරෙන්තුකරුවන් 1329 දෙනෙකු ඇතුළු පුද්ගලයින් 2051 දෙනෙකු අත්අඩංගුවට ගෙන තිබේ. පොලිස් මූලස්ථානය සඳහන් කළේ, ඊයේ රාත්‍රී 11.00 සිට අද අලුයම 3.00 දක්වා සිදු කළ එම වැටලීමේදී සැකකරුවන් අත්අඩංගුවට ගත් බව ය. එම මෙහෙයුමේදී අපරාධවලට සම්බන්ධ සැකකරුවන් 151 දෙනෙකු ද අත්අඩංගුවට ගෙන තිබේ. සැකපිට අත්අඩංගුවට ගෙන ඇති සංඛ්‍යාව 571කි. අපරාධ වැළැක්වීම සඳහා පොලිස්පතිවරයාගේ උපදෙස් මත මෙම වැටලීම් ක්‍රියාත්මක කළ බව පොලිස් මූලස්ථානය නිකුත් කළ නිවේදනයේ සඳහන් ය.