අනුරාධපුරයේදී සුඛෝපභෝගි මෝටර් රථයක් ගිනි ගනී

COLOMBO (News 1st) - අනුරාධපුරය, හරිස්චන්ද්‍ර මාවතේදී සුඛෝපභෝගි මෝටර් රථයක ගින්නක් හටගෙන තිබේ. ගින්න හටගෙන තිබෙන්නේ ඊයේ රාත්‍රියේදී ය. අප වාර්තාකරු පැවසුවේ මෝටර් රථය පැදවූ පුද්ගලයා සිය රාජකාරි ස්ථානයේ සිට යළි නිවස බලා යන අතරතුර ගින්න හටගෙන ඇති බව ය. අනුරාධපුරය මහ නගර සභාවේ ගිනි නිවීම් ඒකකය විසින් ගින්න මැඩපවත්වා තිබේ. ගින්නෙන් මෝටර් රථය සම්පූර්ණයෙන්ම විනාශ වී ඇති අතර ගින්නට හේතුව මෙතෙක් අනාවරණය වී නොමැති බව පොලීසිය පවසයි. මෝටර් රථය පැදවූ පුද්ගලයා අනුරාධපුරයේම පදිංචිකරුවෙකි.