ත්‍රිකුණාමලයේ වෙඩි තැබීමකින් පුද්ගලයෙකු මරුට

COLOMBO (News 1st) - ත්‍රිකුණාමලය සිරිමාපුර ප්‍රදේශයේ සිදු වූ වෙඩි තැබීමකින් පුද්ගලයෙකු මිය ගොස් තිබේ. පොලීසිය සඳහන් කළේ, අද පෙරවරු 6.00ට පමණ වෙඩි තැබීම සිදුව ඇති බව ය. මිය ගොස් ඇත්තේ, 45 හැවිරිදි සිරිමාපුර ප්‍රදේශයේ පදිංචි මාළු ව්‍යාපාරිකයෙකි. ඔහු සිය ලොරි රථයේ සිටියදී එම වෙඩි තැබීමට ලක්ව තිබේ. වෙඩි තැබීම සඳහා මෝටර් රථයකින් සැකකරුවන් 3 දෙනෙකු පැමිණ ඇති අතර ඔවුන් කවුරුන් ද යන්න මෙතෙක් අනාවරණය වී නොමැත. සිද්ධිය සම්බන්ධයෙන් විමර්ශනයට නිලධාරීන් 80 දෙනෙකු පමණ යොදවා ඇති බව පොලීසිය ප්‍රකාශ කළේ ය.