අමාත්‍යංශ විෂය පථයන් ඇතුළත් ගැසට් නිවේදනය ජනපති අධීක්ෂණයට

COLOMBO (News 1st) - අමාත්‍යංශ විෂය පථයන් ඇතුළත් ගැසට් නිවේදනය අනුමැතිය සඳහා ජනාධිපති මෛත්‍රීපාල සිරිසේන මහතා වෙත යොමු කර තිබේ. ජනාධිපති ලේකම් ඔස්ටින් ප්‍රනාන්දු මහතා ප්‍රකාශ කළේ, ජනාධිපතිතුමා විසින් සිදු කරනු ලබන අධ්‍යයනවලින් පසු එය ගැසට් කිරීමට නියමිත බව ය. ඒ අනුව අමාත්‍යංශ නව විෂය පථයන් ඇතුළත් ගැසට් නිවේදනය කඩිනමින් ප්‍රකාශයට පත් කිරීමට පියවර ගන්නා බව ද ඔහු ප්‍රකාශ කළේ ය. අදාළ අමාත්‍යංශ සතු ආයතන විද්‍යාත්මක පදනමින් වෙන් කිරීමට පියවර ගෙන ඇති බව ද ජනාධිපති ලේකම් ඔස්ටින් ප්‍රනාන්දු මහතා වැඩිදුරටත් පැවසුවේ ය.