නීති විරෝධීව රත්‍තරන් තොගයක් මෙරටට රැගෙන ආ සැකකරුවෙකු ගුවන්තොටුපොළේදී අත්අඩංගුවට

COLOMBO (News 1st) - නීති විරෝධීව රත්‍තරන් තොගයක් මෙරටට රැගෙන ආ සැකකරුවෙකු කටුනායක ගුවන්තොටුපොළේදී පොලිස් අත්අඩංගුවට ගෙන තිබේ. පොලීසිය සඳහන් කළේ, සැකකරු සතුව තිබී ග්‍රෑම් 100 බැගින් වූ රත්‍තරන් බිස්කට් 20ක් සොයා ගත් බව ය. කිලෝග්‍රෑම් 02ක බරින් යුත් එම රත්‍තරන් තොගය සිංගප්පූරුවේ සිට රැගෙන විත් ඇති බව පරීක්ෂණවලදී හෙළිව තිබේ. මහනුවර, දෙයියන්වල ප්‍රදේශයේ පදිංචි 46 හැවිරිදි සැකකරු පරීක්ෂණ සඳහා රේගුවට භාර දුන් බව පොලීසිය සඳහන් කළේ ය.