මෙරට දුම්වැටි නිෂ්පාදනය පහළට

COLOMBO (News 1st) - මෙරට දුම්වැටි නිෂ්පාදනය පහළ ගොස් තිබේ. දුම්කොළ හා මධ්‍යසාර පිළිබඳ ජාතික අධිකාරියේ සභාපති වෛද්‍ය පාලිත අබේකෝන් මහතා සඳහන් කළේ, පසුගිය වසරේ මෙරට දුම්වැටි නිෂ්පාදනය මිලියන 600කින් පහළ ගොස් ඇති බව ය. 2016 වසරේ දුම්වැටි නිෂ්පාදනය මිලියන 4300කි. ගිය වසරේ එය මිලියන 3700ක් දක්වා අඩු වී ඇති බව ඔහු සඳහන් කළේ ය. පසුගිය වසර කිහිපයේදී දුම්වැටි පානය අධෛර්යමත් කිරීම සඳහා රජය ගත් විවිධ ක්‍රියාමාර්ග මෙම තත්ත්වයට හේතු වී ඇති බව සභාපතිවරයා ප්‍රකාශ කළේ ය. ඔහු සඳහන් කළේ, දුම්වැටි පානය අධෛර්යමත් කිරීම සඳහා මේ වසරේදී ද වැඩසටහන් රැසක් ක්‍රියාත්මක කරන බව ය.