රත්තරන් බිස්කට් 16ක් සමග 4 දෙනෙකු රේගු අත්අඩංගුවට

COLOMBO (News 1st) - ඉන්දියාවේ මුම්බායි සිට නීති විරෝධී ලෙස මෙරටට රැගෙන ආ රත්තරන් බිස්කට් 16ක් සමග ඉන්දීය ජාතිකයින් 4 දෙනෙකු රේගු අත්අඩංගුවට පත්ව තිබේ. මෙම රත්තරන් බිස්කට් තොගයේ වටිනාකම රුපියල් එක්කෝටි දහතුන් ලක්ෂයකි. රේගු නිලධාරීන් පැවසුවේ, රත්තරන් බිස්කට් තොගය කිලෝග්‍රෑම් 1.66ක බරකින් යුක්ත බව ය. ඉන්දීය ජාතිකයින් 4 දෙනා මෙම රත්තරන් බිස්කට් තොගය සිය ඇඳුම්වල සඟවා රැගෙන ඒමේදී රේගු නිලධාරීන් විසින් සොයාගෙන තිබේ. සිද්ධිය සම්බන්ධයෙන් ශ්‍රී ලංකා රේගුව වැඩිදුර විමර්ශන සිදු කරයි.