කිරි පිටි මිල ඉහළට

COLOMBO (News 1st) - කිලෝග්‍රෑමයක කිරි පිටි පැකට්ටුවක මිල අද මධ්‍යම රාත්‍රියේ සිට රුපියල් 50කින් ඉහළ දමා තිබේ. පාරිභෝගික කටයුතු අධිකාරිය ප්‍රකාශ කළේ, ජීවන වියදම් කමිටුව ලබා දුන් නිර්දේශ පරිදි මිල වැඩි කිරීමට සමාගම්වලට අවසර දුන් බව ය. මිල ගණන් ඉහළ දැමිය හැක්කේ, නිෂ්පාදිත දිනය මැයි මස 05 වන දා එනම් හෙට දිනය සඳහන් කිරි පිටි පැකට් පමණි. එහෙත් ළදරු කිරි පිටි මිල ඉහළ යාමක් සිදු නොවන බව පාරිභෝගික කටයුතු අධිකාරිය අවධාරණය කළේ ය.