by Staff writer 21-04-2018 | 4:23 PM
COLOMBO (News 1st) - බේරුවල ප්රදීපාගාරය නැරඹීමට ගිය සහෝදරයෙක් සහ සහෝදරියක් රළ පහරකට හසුවීමෙන් අද දහවල් මිය ගියහ.
පොලීසිය සඳහන් කළේ, ප්රදීපාගාරය අසල ගල් පරයක් මත වාඩි වී සිටියදී ඔවුන් රළ පහරට හසුව ගසාගෙන ගොස් ඇති බව ය.
දියේ ගිලී සිටි දෙදෙනා ප්රදීපාගාරයේ ඇති බෝට්ටු මගින් ගොඩට ගෙන බේරුවල රෝහලට ඇතුළත් කිරීමේදී දෙදෙනාම මිය ගොස් ඇති බව පොලීසිය පවසයි.
මිය ගොස් ඇත්තේ 27 හැවිරිදි සහෝදරයා සහ 24 හැවිරිදි ඔහුගේ නැගණිය යි.
ඔවුන් කොළඹ 12 , කුමාර දොරටුව ප්රදේශයේ පදිංචිකරුවන් ය.
මේ වන විට ඔවුන්ගේ සිරුරු බේරුවල රෝහලේ තැන්පත් කර තිබේ.
අද පෙරවරුවේ ඔවුන් දෙදෙනා ඇතුළු 11 දෙනෙකු බේරුවල ප්රදීපාගාරය නැරඹීමට පැමිණ ඇති බව පොලීසිය පැවසුවේ ය.
https://www.youtube.com/watch?v=d740EgG3DUw