පළාත් පාලන ආයතන සංස්ථාපනය කිරීමට ලබා දී තිබූ නිල කාලය අදින් අවසන්

COLOMBO (Newsfirst) - පළාත් පාලන ආයතන සංස්ථාපනය කිරීමට ලබා දී තිබූ නිල කාලය අදින් අවසන් වේ. පළාත් සභා හා පළාත් පාලන අමාත්‍යංශ ලේකම් කමල් පද්මසිරි මහතා ප්‍රකාශ කළේ, ආයතන 170ක ප්‍රථම සභා වාරය පළාත් කොමසාරිස්වරුන්ගේ ප්‍රධානත්වයෙන් පැවැත්වූ බව ය. එහිදී සභාපති, උප සභාපති, නගරාධිපති, උප නගරාධිපති තනතුරු සඳහා පුද්ගලයින් පත් කර ගත්තේ සභිකයින් අතර පැවති ඡන්ද විමසීමකින් අනතුරුව ය. මේ අතර මැතිවරණයෙන් 50%කට වැඩි බහුතරය දිනා ගත් පළාත් පාලන ආයතන 170ක ප්‍රධානීන් පත් කෙරුණේ, ඒ ඒ පක්ෂ සහ ස්වාධීන කණ්ඩායම් මැතිවරණ කොමිසමට යොමු කළ නම් පදනම් කර ගනිමිනි.