ශ්‍රී ලංකා සංවර්ධන බැඳුම්කර නිකුත් කිරීමේ වෙන්දේසියක් පැවැත්වීමට මහ බැංකුව කටයුතු යොදයි

COLOMBO (Newsfirst) - ශ්‍රී ලංකා සංවර්ධන බැඳුම්කර නිකුත් කිරීමේ වෙන්දේසියක් පැවැත්වීමට මහ බැංකුව කටයුතු යොදා තිබේ. මහ බැංකුව නිවේදනය කළේ, අමෙරිකානු ඩොලර්වලින් නාමනය කරන ලද භාණ්ඩාගාර බැඳුම්කර නිකුතුව සඳහා වන වෙන්දේසියට ලබන 18 වන දා පෙරවරු 11.00 සිට 24 වන දා පෙරවරු 10.00 දක්වා ලංසු ඉදිරිපත් කළ හැකි බව ය. මැයි මස 1 වන දා ඒ සඳහා ගෙවීම් කළ යුතු වන අතර පොලී ගෙවීම අර්ධ වාර්ෂිකව සිදු කෙරෙන බව ද එහි සඳහන් ය. අවම ආයෝජනය අමෙරිකානු ඩොලර් 10,000 හා එහි ගුණිතයන්ගෙන් බව ද මහ බැංකුව නිකුත් කළ නිවේදනයෙහි දැක්වේ.