පකිස්ථාන හිටපු අගමැති නවාස් ෂරීෆ්ට ජීවිතාන්තය තෙක් දේශපාලනය තහනම්

පකිස්ථාන හිටපු අගමැති නවාස් ෂරීෆ්ට ජීවිතාන්තය තෙක් දේශපාලනය තහනම්

පකිස්ථාන හිටපු අගමැති නවාස් ෂරීෆ්ට ජීවිතාන්තය තෙක් දේශපාලනය තහනම්

කර්තෘ Chathuranga Rajapaksha

13 Apr, 2018 | 2:50 pm

පකිස්ථාන හිටපු අග්‍රාමාත්‍ය නවාස් ෂරීෆ් ජීවිතාන්තය තෙක් දේශපාලන කටයුතුවල නිරත වීමට නුසුදුස්සෙකු බව එරට ශ්‍රේෂ්ඨාධිකරණය අද තීන්දු කළේය.

ශ්‍රේෂ්ඨාධිකරණය මෙම නියෝගය නිකුත් කළේ, වත්කම් උපයාගත් අකාරය හෙළි නොකිරීමට අදාළව ෂරීෆ්ට එරෙහිව ගොනුකර තිබූ නඩුවේ තීන්දුව ප්‍රකාශයට පත් කරමිනි.

අගමැති ධුරයෙන් ඉල්ලා අස් වුව ද ෂරීෆ්, පකිස්ථානයේ පාලක පක්ෂය වන පකිස්ථාන් මුස්ලිම් ලීගයේ ක්‍රියාකාරී සාමාජිකයෙකු ලෙස කටයුතු කළේය.

67 වැනි වියේ පසුවන ෂරීෆ්, සිය වත්කම් උපයාගත් අකාරය හෙළි නොකිරීමට අපොහොසත් වීම හමුවේ එල්ල වූ චෝදනා හේතුවෙන් ඉකුත් ජුලි මාසයේදී අගමැති ධුරයෙන් ඉල්ලා අස්විය.