මාර්ක් සකර්බර්ග්ගෙන් අමෙරිකානු සෙනෙට් සභාව අද පැය 10කට ආසන්න කාලයක් ප්‍රශ්න කරයි

(Newsfirst) - ෆේස්බුක් සමාගමේ ප්‍රධාන විධායක නිලධාරී මාර්ක් සකර්බර්ග් අද පැය 10කට ආසන්න කාලයක් අමෙරිකානු සෙනෙට් සභාවේදී ප්‍රශ්න කෙරිණි. මෙහීදී සෙනෙට් සභිකයින් ප්‍රශ්න කළේ, ෆේස්බුක් භාවිත කරන්නන්ගේ දත්ත කොතෙක් දුරට ෆේස්බුක් සමාගම විසින් ලබාගෙන ඇත් ද යන්න පිළිබඳව ය. ලන්ඩනයේ පිහිටි කෙම්බ්‍රිජ් ඇනලිටිකා නමැති දේශපාලන උපදේශන සමාගමට එරෙහිව බරපතල චෝදනාවක් පසුගියදා එල්ල වුණේ, ෆේස්බුක් ගිනුම් හිමිකරුවන්ගෙන් මිලියන 50කගේ පමණ පෞද්ගලික දත්ත කිසිදු අවසරයකින් තොරව භාවිත කිරීම නිසා ය. මාර්ක් සකර්බර්ග්ට මේ සම්බන්ධයෙන් කරුණු දැක්වීමට නියෝග කළ අතර අදත් අමෙරිකානු සෙනෙට් සභාව හමුවේ පෙනී සිටියේ ද ඒ අනුව ය.