මැයි පළමු වන දා ලබා දී තිබූ නිවාඩුව අවලංගු කෙරේ

COLOMBO (Newsfirst) - මැයි පළමු වන දා ලෝක කම්කරු දින නිවාඩුව අවලංගු කර තිබේ. ඊට අදාළ ගැසට් නිවේදනය අද නිකුත් කිරීමට නියමිත ය. රජයේ මුද්‍රණාලයාධිපතිනී ගංගා කල්පනී ලියනගේ මහත්මිය සඳහන් කළේ බැංකු, වෙළෙඳ, රජයේ නිවාඩු සියල්ල අවලංගු කරමින් ස්වදේශ කටයුතු අමාත්‍යංශය විසින් නිකුත් කෙරෙන අදාළ ගැසට් නිවේදනය මේ වන විට මුද්‍රණය සඳහා ලබා දී ඇති බව ය. පළමු වන දාට නියමිත වූ එම නිවාඩු සියල්ල 7 වන දාට ලබාදෙන බව ද අදාළ ගැසට් නිවේදනයෙන් ප්‍රකාශයට පත් කෙරෙනු ඇති. මැයි පළමු වන දාට යෙදෙන ජාත්‍යන්තර කම්කරු දිනය මෙවර මැයි 7 වන දා සැමරීමට කැබිනට් මණ්ඩලය තීන්දු කළේ වෙසක් සතිය යෙදී තිබීම හේතුවෙන් මහා සංඝරත්නය කළ ඉල්ලීම සැලකිල්ලට ගනිමිනි.