ඉන්දියාවේ බස් රථ අනතුරකින් මිය ගිය පාසල් සිසුන් සංඛ්‍යාව 30ක් දක්වා ඉහළට

(Newsfirst) - ඉන්දියාවේ බස් රථ අනතුරකින් මිය ගිය පාසල් සිසුන් සංඛ්‍යාව 30ක් දක්වා ඉහළ ගොස් තිබේ. ඉන්දීය මාධ්‍ය වාර්තා කරන්නේ උතුරු ඉන්දියාවේ, හිමාචල් ප්‍රදේශයේදී මෙම අනතුර සිදුව ඇති බව ය. බස් රථය අඩි 200ක් පමණ ප්‍රපාතයකට පෙරළී ඇති බව විදෙස් මාධ්‍ය වාර්තාවල සඳහන් ය. මෙම අනතුර සිදුවන අවස්ථාවේ බස් රථයේ පාසල් සිසුන් 40ක් පමණ ගමන් කර ඇති බව සඳහන් ය. අනතුරට පත්වූ සිසුන් බහුතරයක් වයස අවුරුදු 10ට අඩු දරුවන් බව ඉන්දීය මාධ්‍ය වාර්තා අනාවරණ කරයි. අනතුරින් මෙම පාසල් ළමුන් රැගත් බස් රථයේ රියැදුරු සහ ගුරුවරුන් දෙදෙනෙකු ද ජීවිතක්ෂයට පත්ව තිබේ.