Bestweb 2018
Bestweb 2018
අත්තනගල්ලේ වෙඩි තැබීමක්: එක් අයෙකු මරුට: 4කට තුවාලයි

අත්තනගල්ලේ වෙඩි තැබීමක්: එක් අයෙකු මරුට: 4කට තුවාලයි

අත්තනගල්ලේ වෙඩි තැබීමක්: එක් අයෙකු මරුට: 4කට තුවාලයි

22 Apr, 2018 | 6:58 am

 

COLOMBO (Newsfirst) – නිට්ටඹුව, අත්තනගල්ල ප්‍රදේශයේ පැවති සංගීත ප්‍රසංගයකදී සිදුකළ වෙඩි තැබීමකින් පුද්ගලයකු මියගොස් තවත් 4 දෙනෙකු තුවාල ලබා තිබේ.

පොලීසිය සඳහන් කළේ, නාඳුනන පුද්ගලයින් පිරිසක් විසින් ඊයේ රාත්‍රි 10.50 ට පමණ පිස්තෝලයකින් මොවුන්ට වෙඩි තබා ඇති බව ය.

එහිදී පුද්ගලයින් 4 දෙනෙකු සහ කාන්තාවක් තුවාල ලබා තිබේ.

තුවාල ලැබූවන් වතුපිටිවල රෝහලට ඇතුළත් කිරීමේදී එක් පුද්ගලයකු මියගොස් ඇති බව පොලීසිය සඳහන් කළේය.

මියගොස් ඇත්තේ 37 හැවිරිදි හෙයියන්තුඩුව, දේවමිත්ත ප්‍රදේශයේ පදිංචිකරුවෙකි.

සැකකරුවන් හඳුනාගෙන නොමැති අතර වෙඩි තැබීමට හේතුව ද අනාවරණය වී නොමැති බව පොලීසිය පවසයි.

මියගිය පුද්ගලයාගේ පශ්චාත් මරණ පරීක්ෂණය අද සිදු කිරිමට නියමිත ය.

නිට්ටඹුව පොලීසිය විසින් වැඩිදුර විමර්ශන සිදු කරනු ලැබේ.

කර්තෘ: Chathuranga Rajapaksha