පාලවියේ යකඩ භාණ්ඩ එක්රැස් කරන ස්ථානයක පිපිරීමකින් තරුණයෙකු මරුට

COLOMBO (Newsfirst) - පුත්තලම, පාලවිය යකඩ භාණ්ඩ එක්රැස් කරන ස්ථානයක අද පෙරවරුවේ සිදුවූ පිපිරීමකින් පුද්ගලයෙකු මිය ගියේය. පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා සඳහන් කළේ, 27 හැවිරිදි තරුණයෙකු එලෙස මියගොස් ඇති බව ය. සිද්ධිය සම්බන්ධයෙන් පුත්තලම පොලීසියේ මෙහෙයවීමෙන් පරීක්ෂණ ක්‍රියාත්මක අතර විමර්ශන සඳහා රජයේ රස පරික්ෂණවරයා ද කැඳවීමට පියවර ගන්නා බව ඔහු සඳහන් කළේය. මියගිය පුද්ගලයාගේ දේහය පිළිබඳ මහේස්ත්‍රාත් පරීක්ෂණය පැවැත්වීමට නියමිත ය. https://www.facebook.com/NewsfirstSL/videos/1862802053780044/