සවුදි හමුදාවේ ඉහළ නිලධාරීන් ධූරවලින් ඉවතට

(Newsfirst) - සවුදි අරාබියා හමුදාවේ ඉහළ නිලධාරීන් ධූරවලින් පහ කර ඇති බව විදෙස් මාධ්‍ය වාර්තා කරයි. එම වාර්තාවල සඳහන් වන්නේ ඊයේ රාත්‍රියේ මෙය සිදු කර ඇති බව ය. තනතුරුවලින් පහ කර දැමූවන් අතර එරට කාර්ය මණ්ඩල ප්‍රධානියා ද සිටී. මේ අනුව සවුදි රජු සල්මාන් විසින් අදාළ තනතුරු සඳහා එරට පාබල සහ ගුවන් හමුදාවේ ඉහළ නිලධාරීන් පිරිසක් අනුයුක්ත කර තිබේ. සවුදි පුවත් ඒජන්සිය මේ පිළිබඳව තහවුරු කර ඇති නමුත් එලෙස හමුදාවේ ඉහළ නිලධාරීන්ව ධූරයෙන් පහ කිරීමට හේතු වූ කාරණා වාර්තා කර නොමැත.