වැඩි මිලට පොල් අලෙවි කරන්නන් සොයා දිවයින පුරා වැටලීම්

Colombo (Newsfirst) - පොල් වැඩි මිලට අලෙවි කිරීම සම්බන්ධයෙන් පැමිණිලි ලැබී ඇතැයි පාරිභෝගික කටයුතු පිළිබඳ අධිකාරිය පවසයි. එහි සභාපති හසිත තිලකරත්න මහතා සඳහන් කළේ, පොල් ගෙඩියක් අලෙවි කළ යුතු උපරිම මිල රුපියල් 75ක් බව ය. එම මිල ඉක්මවා ඇතැම් වෙළඳුන් පොල් අලෙවි කරන බව ඔහු සඳහන් කළේ ය. ඔහු සඳහන් කළේ, එලෙස වැඩි මිලට පොල් අලෙවි කළ පුද්ගලයින්ට එරෙහිව නඩු පවරා ඇති බව ය. වැඩි මිලට පොල් අලෙවි කරන්නන් අත්අඩංගුවට ගැනීම සඳහා නිරන්තරයෙන් වැටලීම් සිදු කරන බව පොලීසිය සඳහන් කළේ ය.